وزیرِ خزانہ اسحاق ڈار نے پٹرولیم مصنوعات کی قیمتوں میں بڑی کمی کا اعلان کر دیا
 |
| Major Reduction in Petroleum Producrs By Finance Minister Ishaque Dar |
اسلام آباد (نیوز اپڈیٹ) وفاقی وزیر خزانہ اسحاق ڈار کی جانب سے پٹرولیم مصنوعات کی قیمتوں میں واضح کمی کر دی گئی۔
ایک نیوز کانفرنس سے خطاب کرتے ہوئے وفاقی وزیر خزانہ اسحاق ڈار نے پٹرول کی قیمت میں بارہ روپے تریسٹھ پیسے کمی کا اعلان کر دیا۔ وفاقی وزیر نے بتایا کہ ہائی سپیڈ ڈیزل اور لائٹ ڈیزل کی قیمتوں میں بھی بارہ روپے تیرہ پیسے اور دس روپے اٹھہتر پیسے بالترتیب کمی کر دی گئی ہے۔ واضح رہے کہ نئی قیمتوں کا اطلاق پٹرولیم آج رات بارہ بجے سے کر دیا جائیگا۔
یاد رہے کہ حکومتِ پاکستان کی وفاقی وزارت برائے خزانہ نے تیل کی قیمتوں میں کمی کرنے سے پہلے آئی ایم ایف سے مشاورت کرنے کا فیصلہ کیا تھا ۔ذرائع نے اطلاع
دی تھی کہ وفاقی وزیرِخزانہ آئی ایم ایف سے رجوع کر نے کے بعد وزیرِاعظم
پاکستان کو فیصلے کے بارے میں مطلع کریں گے، پٹرول اور ڈیزل
کی قیمتوں میں بڑی کمی آئی ایم ایف کی رضا مندی سے ہی کی جائے گی۔
ذرائع نے اس سے بھی آگاہ کیا تھا کہ تیل کی مصنوعات پر عائد لیوی میں اضافے کی بجائے اس کی موجودہ تناسب کو برقرار رکھ کر ریلیف دینے کی کوشش کی جائیگی۔ تاہم تازہ ترین
اطلاع کے مطابق وزیرِخزانہ اسحٰق ڈار نے پریس کانفرنس کرتے ہوئے باقاعدہ طور پر
تیل کی مصنوعات میں واضح کمی کا اعلان کرتے ہوئے عوام کو خوشخبری سنا دی ہے۔
No comments:
Post a Comment