پاکستان کرکٹ بورڈ کی جانب سے سیلاب متاثرین کے لیے بڑا اعلان

لاہور (نیوز اپڈیٹ) پی سی بی نے   پاکستان اور برطانیہ کے مابین اگلے ماہ  کھیلے جانے  والے پہلے ٹوئنٹی 20  میچ کی گیٹ منی سیلابی ریلوں سے متاثر ہ افراد  میں بانٹنے کا اعلان کر دیا۔ 

Big announcement from Pakistan Cricket Board for flood victims

ذرائع کے مطابق پاکستان کرکٹ بورڈ (پی سی بی) نے ایک اعلامیہ جاری کیا ہے جِس کی رُو سے  20 ستمبر سنہ 2022ء کو کراچی نیشنل سٹیڈیم میں برطانیہ کی کرکٹ ٹیم  پہلا ٹی ٹوئنٹی میچ پاکستان کے خلاف  کھیلے گا  جس سے حاصل ہونے والی تمام رقم  وزیر اعظم کے سیلاب متاثرین  کیلئے ریلیف فنڈ میں  جمع کروائی جائیگی۔

 

چیئرمین پاکستان کرکٹ بورڈ تفصیل بتاتے ہوئے کہا کہ وطنِ عزیز میں سیلابی ریلوں کے پیشِ نظر تباہ کاریا ں جاری ہیں جس سے سب نے ایک قوم ہو کر نمٹنا ہے۔ پی سی بی کی ساری ٹیم اس کٹھن  اور   آزمائش کے لمحات میں عوام کے ساتھ شانہ بشانہ کھڑی ہے۔ چیئرمین پی سی بی نے  شائقینِ کرکٹ  سے پُر زور  اپیل کی ہے کہ کرکٹ کے دیوانے  زیادہ سے زیادہ  تعداد میں میچ دیکھنے نیشنل سٹیڈیم کراچی آئیں تاکہ اس سے ہونے والی آمدنی سیلاب متاثرین   کے درمیان تقسیم کی جا سکے گی۔