راولپنڈی بینچ لاہور ہائیکورٹ نے درخواست پر سماعت انتیس ستمبر تک ملتوی، شوکاز نوٹس کے معاملے پر لارجر بینچ کی طرف سے سماعت ہو گی
Show-cause notices of Election Commission suspended against Imran Khan and Fawad Chaudhry
راولپنڈی (نیوز اپڈیٹ) راولپنڈی بینچ لاہور ہائیکورٹ نے سابق وزیرِاعظم عمران خان اور فواد چودھری کےخلاف توہین عدالت سے متعلق الیکشن کمیشن شوکاز نوٹس معطل کر دئیے ہیں۔
ذرائع کے مطابق راولپنڈی بینچ لاہور ہائیکورٹ میں دونوں کی درخواست پر سماعت ہوئی، جسٹس جواد حسن نے درخواست پر سماعت کے دوران الیکشن کمیشن کے شوکاز نوٹسز معطل کر دئیے۔عدالت میں وکلاء بابراعوان اورفیصل چودھری چیئرمین تحریک انصاف اور سابق وفاقی وزیر کی جانب سے پیش ہوئے۔
دونوں پی ٹی آئی رہنماؤں کی درخواست پر سماعت 29 ستمبر سنہ 2020ء تک ملتوی کر دی گئی ہے۔ اب شوکاز نوٹسز کے معاملے پر لارجر بینچ تشکیل دیا جائے گا جو سماعت کرے گا۔ یاد رہےکہالیکشن کمیشن کیجانب سے جاری کئے گئے شوکاز نوٹس راولپنڈی بینچ لاہور ہائیکورٹ میں چیلنج کئے گئےتھے۔
تحریکِ انصاف کیجانب سے مقرر کئے گئے وکیل بابر اعوان نے کورٹ کی کاروائی کے بعد میڈیا سے گفتگو کے دوران بتایا کہ سارا ڈرامہ عمران خان کو ملکی سیاست سے منفی کرنے کے لیے رچایا گیا ہے۔ ان کا کہنا تھا کہ عمران کو منفی کرنے والا فارمولا کبھی کامیاب نہیں ہو گا کیونکہ خان کے ساتھ پاکستانی عوام کھڑی ہے۔
بابراعوان کا مزید کہنا تھا کہ الیکشن کمیشن آف پاکستان غیر جانبدار ادارہ نہیں رہا بلکہ یہ پی ڈی ایم کا ادارہ بن چُکا ہے۔ جبکہ دوسری جانب سپریم کورٹ آف پاکستان نے تحریکِ انصاف قومی اسمبلی کے ممبران کے استعفوں کی منظوری کی درخواست خارج کرتے ہوئے نمٹا دی ہے۔
No comments:
Post a Comment