تحریک منہاج القرآن کی انتظامیہ کی جانب سے سیلاب متاثرین کے لیے مختلف علاقوں میں ریلیف کیمپ قائم

خرم نواز گنڈاپور  کی جانب سے تحریک منہاج القرآن کے تمام ممبران کو نجی سرگرمیاں چھوڑ کر سیلاب

 متاثرین کی امداد میں متحرک ہونے کی ہدایت 

Khurram Nawaz Instructs All The Members of  Minhaj Ul Quran To Leave All Private Activities And Mobilize To Help The Flood Victims

سیلاب زدگان  کی امداد کے لیے ساری قوم کو ایک ہونا  پڑے گا  اور سب کو امدادی کاروائیوں میں بڑھ چڑھ کر  حصہ لینا ہو گا: خرم نواز گنڈاپور

لاہور (نیوز اپڈیٹ) تحریک منہاج القرآن کے رہنما خرم نواز گنڈاپور  نے بتایا کہ وہ علاقے جہاں سیلاب کی وجہ سے تباہ کاریوں کا سامنا ہے وہاں تحریک منہا ج القرآن کی جانب سے فلڈ ریلیف کیمپ قائم کر دیئے گئے ہیں، جہاں تمام سیلاب زدگان کو مشکل کی اس گھڑی میں ہر ممکن مدد مہیا کی جا رہی ہے۔

اُن کا مزید کہنا تھا کہ  وفاقی اور صوبائی حکومتوں کو مل کر سیلاب متاثرین کے لیے ایک بڑے پیمانے پر مدد کرنا چاہیے اور  حکومت  کی جانب سے ہر ممکن  وہ کام کرنا چاہیے جس سے تمام سیلاب زدگان کی بھرپور مدد ہو سکے ۔ خرم نواز  گنڈا پور نے وفاق اور صوبائی حکومتوں کو تمام مشینری بروئے کار لانے پر زور دیتے ہوئے  کہا کہ تمام اختلافات کو بالائے طاق رکھتے ہوئے بڑے ریلیف کیمپ کا انعقاد کریں تا کہ تمام متاثرین کی ہر ممکن مدد کی جا سکے۔ انھوں نے تمام  ریاستی اداروں کے ساتھ ساتھ باقی  تمام سیاسی و  مذہبی جماعتوں اور رفاعی اداروں کو  بھی وطنِ عزیز پر آئی اس مشکل گھڑی میں اپنے ہم وطن بھائیوں کی مدد کرنے پر زور دیا۔

Workers of Minhaj Ul Quran Helping Flood Victims 

 

خرم نواز گنڈاپور نے پوری  قوم سے اپیل کی ہے  کہ تمام صاحبِ استطاعت افرادسیلاب زدگان  کی امداد کیلئے دل کھول کر عطیات جمع کروائیں۔ انہوں نے بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری کا پیغام سناتے ہوئے بتایا  کہ تمام کارکنان  مشکل کی اس گھڑی میں سیلاب متاثرین  کی ہر ممکن مدد کریں۔