گولڈن ویزہ

سفری پابندی کے باوجودگولڈن ویزہ کی بدولت پاکستانی ڈاکٹر کا  متحدہ عرب امارات کا سفر ہوا ممکن

 United Arab Emirates 

دبئی (نیوز اپذیٹ) پاکستانی ڈاکٹرسید نادر اپنے بیوی بچوں کے ہمراہ بوئنگ جہاز 777 کی خالی فلائیٹ میں دبئی پہنچ گئے ہیں۔ واضح رہے کہ مذکورہ ڈاکٹر دبئی کے گولڈن ویزہ کی سہولت کا حامل ہے جس کی بدولت اسے فیملی سمیت متحدہ عرب امارات کے سفر کی اجازت دی گئی ہے۔ 

Dubai Burj Khalifa

یہاں یہ بتاتے چلیں کہ بوئنگ جہاز777 کی کل سیٹیں 300 ہیں مگر اس میں ڈاکٹر سید نادر کے علاوہ صرف تین اور مسافرسوار تھے۔ڈاکٹر سید نادر دبئی کے ایڈم وائٹل اسپتال کے میڈیکل ڈائریکٹر اور انٹرنل میڈیشن کا سربراہ ہے جو اپنی والدہ کے اچانک بیمار ہونے پرجون میں کراچی آیا تھا اور اس کی  والدہ کی بائی پاس سرجری ہوئی تھی جس کے بعد وہ واپس متحدہ عرب امارات  جانا چاہتا تھا۔

مذکورہ ڈاکٹر نے بتایا  کہ فضائی سفر پر پابندی  کے باوجود اسے  گولڈن ویزہ کے باعث  واپسی کی اجازت مل سکی  جبکہ اس کے کئی کولیگز ڈاکٹر پابندیوں کی وجہ سے اسلامی جمہوریہ پاکستان میں پھنسے ہوئے ہیں۔ اس نے مزید بتایا کہ  اسے بھی پاکستان میں پھنسنے کا خوف تھا  مگر اس کی والدہ  کے بائی پاس کے بعد گولڈن ویزہ کی ہی بدولت اسے متحدہ عرب امارات لوٹنا ممکن ہوا۔

Boing Aircraft 777 Passenger Cabin